
9 июньышто Йолташ-влакын тӱнямбал кечышт палемдалтеш. Лудшына-влакын чын йолташышт уло мо?
Екатерина Шишокина, Килемар район:
– Йолташ ӱдырем дене 2022 ийыште палыме лийынна. Тунам ме коктынат Санкт-Петербург олаште проводниклан ыштенна. Кеч ме коктынат Марий Эл гыч лийынна, ик университетыште тунемынна, тылеч ончыч ваш пален огынал. Кызыт мый дипломым возем, сандене шуко жап компьютер ончылно эртарем. Йолташем тидым ужын, мыйын тазалыкем верч тургыжлана, сандене уремыште яндар юж дене шӱлалташ луктеш.