Чылажат Сеҥымаш лӱмеш!

 

 

— Тений волонтёр-влак республикыштына 20 тӱжем георгиевский тасмам еҥ-шамычлан пуэдат.

— 1941-1945 ийлаште Марий АССР-ысе 1400 салтакым курымешлан шарнаш ӱмыраҥдыме. Немыч, финн да румын пленыште лийше землякна-влакын лӱмыштым «Вернуться из плена» Шарнымаш книгашке пуртымо.

— «Герои Отечества» савыктыш 1990-ше ийлаште контртеррористический операцийын участникше-влаклан пӧлеклалтше «Девятнадцатилетние» книгам ямдыла. Тушто 20 воин нерген ойлалтеш. Нунын коклаште Марий кундемын эргыже В.В.Ивановат уло. Тудлан Российын Геройжо лӱмым колымекше пуымо.

— 26 апрель гыч 16 май марте «Шарнымаш сад» акций эртаралтеш. Тыгодым республикыште Сеҥымашын 76-шо идалыкше лӱмеш 76 гектарыште 200 тӱжем утла пушеҥгым шындат.