Марий Элыште Молодёжный политике шотышто советым ыштыме. Тидын нерген Указыш кидпалыжым Марий Элым Вуйлатыше Ю.Зайцев пыштен.
Ты Совет республикыште молодёжный политикым илышыш пурташ темлымаш-влакым ямдыла, самырык-влаклан да нунын ушемыштлан полшышо мероприятий ден кугыжаныш программе-влакым ямдылымаште пашам ышташ тӱҥалеш. Тыгак кундемыштына самырык-влак политике шотышто анализым эртара да ты аланыште лекше нелылыкым кораҥда.
Советын председательже – Марий Элым Вуйлатыше, тудын алмаштышыже – Марий Эл Правительстве Председательын молодёжный политике шотышто икымше алмаштышыже, палдарыме документыште.
Молодёжный политике советыш республикысе самырык-влакын мер ушемыштын да коммерческий огыл организацийыштын еҥышт, вуз ден ссуз-влакын студентышт, тыгак науко, спорт, тӱвыра организацийлан да Марий Элысе кугыжаныш кучем ден верысе самоуправлений-влакын еҥышт ушнен кертыт.
Фото: freepik сайт гыч налме.