Тиде ӱдырамашын чаткалыкше дене ойыртемалтмыжым шукертак паленам. Школышто тунемме да макулатурым ял мучко поген коштмо годым ачамын кресаваже Анна Андреевна Бычкова Светлана ӱдыржын тетрадьше-влакым оптен колтен ыле. Чаткан возымо тетрадьлам макулатурыш чылтак колтымем шуын огыл, сандене икмыняржым, ала кӱлеш лиеш манын, арален коденам. Но тидын нерген монденам… 9-ше классыште шарналтымек, кидышкем историй дене тетрадьше логалын. Шке тетрадьыштемат тудымак серыме, но шер гай возалтше мут-влак ушеш сайын шарналт кодыт да туныктышылан вашешташат сайрак манын, саде тетрадьым школыш нумалыштынам, да «визытаным» икмыняр гана налынам…
Чатка еҥын чылажат сӧрал да ару. Эсогыл пакчаштыже ик шӱкшудымат шым уж. А поген налме шоган йыраҥыштыже тыгак моторын гына фацелийым ӱдымӧ ыле.
Светлана Сандакова Марий Турек район Марий Купто школышто ынде коло утла ий арулыкым эскера, кӱварым мушкеш. Такшым тудо, Йошкар-Оласе ик ГПТУ-м тунем лекмеке, ЗПП-ыште паяльщицылан вич ий пашам ыштен. Варажым кок пӧрт гоч илыше рвезылан марлан лектын…
Умбакыже — 2021 ий 20 августышто лекше КУГАРНЯ газетыште.