Чыла пашаланат тале туныктышо

Туныктышо – шинчымаш тӱняш вӱден наҥгайыше айдеме. Тудо мыланна эн кугу пример. Таче тендам Шернур район Койсола школышто тӱҥалтыш класслам туныктышо С.И.Петухова дене палдарынем.

Светлана Ильинична Койсола ялеш шочын. Тысе школышто тунемын. Шке жапыштыже ӱдырым ачаже артистлан колтынеже улмаш, но илыш корно вес могырыш савыралын.

Кугурак класслаште тунемше-влаклан (ончыкшым туныктышо лияш шонышо-шамычлан) Оршанке педучилище гыч психологический заданий-шамычым колтеденыт улмаш. Тыгайже классыштышт нылытын лийыныт, нунын коклаште – Светлана. Ӱдыр-влак, аттестатым налде, направлений дене педучилищыш вигак тунемаш каеныт.

Студент пагыт – эн весела да шарнымашеш келге кышам кодышо жап. Тунам шуко мастарлык «помыжалтеш», эсогыл айдеме йӧршын вашталтын кертеш. Светлана Ильинична школышто тунеммыж годым вожылшо лийын гын, студент пагытыште чолгалыкше утларак палдырнаш тӱҥалын.

Педучилищым тунем пытарымеке, направлений почеш мыйым Шернур район Руш Пыжай школыш колтышаш улыт ыле. Но икымше туныктышем Анна Фёдоровна Молотова пошкудо Кугу Мушко ялыш пашаш ӱжын. Тидлан ронош йодмашым возен, да мыйым тышке колтеныт. Кугу Мушко школышто 17 ий пашам ыштенам, тышеч вич ийже – школ директорлан. Школ петырнымеке, Койсола школыш кусненам. Тыште ынде 15 ий тыршем. Тений кокымшо классым пуэныт. Тылеч посна математикым да ИКН предметым туныктем, – ойла С.Петухова.

Туныктымо пашаште мом эн нелылан шотледа?

Кажне йочан – шке койышыжо. Нунын дене мутланен моштыман, тунемаш кумылаҥдыман. Южгунам урок годым актёр лияш логалеш, тӱрлӧ семын кумылаҥдаш тыршыман.

Ача-ават тӱрлӧ улыт. Иктаж умылыдымаш лектеш гын, экшыкым вигак кораҥдаш тыршена. Ялысе школышто каньылырак, ешын кузе илымыжым, кӧн могай улмыжым ужат, палет, сандене койыш-шоктышыштым умылаш куштылгырак.

Тӱҥжӧ – шке пашам йӧратыман.

Оласе але посёлкысо кугурак школыш пашам ышташ каяш шонымаш лийын огыл?

Умбакыже 28 октябрьыште лекше номерыште лудын кертыда. Тыгак газетын электрон версийжым кевытыште налаш (темдал!) лиеш.

С.Петухован альбомжо гыч налме фото.