9 декабрьыште Марий Эл Республикысе Молодёжный правительствым (Ушемым) чумырымо конкурсын кокымшо этапше эртаралтын.
Конкурсыш 18-35 ияш ӱдыр-рвезе-влак ушненыт. 12 сеҥышым ойыреныт. Нуно Марий Эл кугыжаныш кучемын исполнительный органже-влаклан регионысо самырык-влак шотышто политикым илышыш шыҥдараш полшат.
Лишыл жапыште Ушемын икымше заседанийже лиеш, тушто вуйлатышым да тудын алмаштышыжым ойырат, тыгак ончыкылык паша корным рашемдат.
2-шо лаштыклан увер-влакым (51 (1669) No • 2021 ий 17 декабрь) И.Александрова, Е.Иванова, Э.Терентьева, И.Ямбаршева ямдыленыт.