17 июньышто Пошкырт кундем Благовещенск оласе рӱдӧ библиотекыште «Башкортостанысе марий-влак: Благовещенск район. Тӱвырам ончыкылык тукымлан арален кодымаш» районысо конференций эртаралтын.
Уна семын республикысе «Эрвел марий» НКАО вуйлатышын алмаштышыже А.Я.Гайсин лийын.
Конференцийыште шуко йодышым каҥашыме да Благовещенск районышто марий-влакын коммерческий огыл организацийыштым ышташ кутырен келшыме. Учредительный погынымашым эртараш да документ-влакым ямдылаш инициативный группым ыштыме.