Российысе студотряд-влакын толкыныштлан – 65 ий. Ты лӱмгече вашеш Волгатехыште пайрем мероприятий эртаралтын. Тушто студотряд-влакын чолга ӱдыр-рвезыштым саламленыт.
Палемдыман, элыштына студотряд-влак самырык-шамыч коклаште ик эн кугу организацийлан шотлалтыт. Тушто 150 тӱжем утла самырык ӱдыр-рвезылан жаплан паша верым муаш йӧн пуалтеш. Тушко ушнен, нуно тӱрлӧ могырым шуаралтын кертыт.
Марий Элым Вуйлатышын лӱмжӧ дене ӱдыр-рвезе-влакым саламлаш Правительстве Председательын алмаштышыже – тӱвыра, печать да калык-влакын пашашт шотышто министр К.Иванов толын. Тудо активист-влаклан тыгаяк чолга, чулым, таза, ум кычалше лияш тыланен.
«Молодёжь Марий Эл» тӱшка гыч налме фото.