18 апрель гыч Марий Элысе чодыралаште пожар лӱдыкшыдымылык шотышто посна ямде улмо режимым увертарыме
Тидын шотышто пунчалым Марий Элысе Правительствын официальный сайтыштыже вераҥдыме. Кукшо игече шогымылан кӧра IV-V пожар лӱдыкшӧ классым увертарыме годым еҥ-влаклан, транспортлан лесничествылаш пураш ок лий.
Сад-пакча коммерческий огыл товариществе-влакын, чодыра воктенысе организаций-шамычын вуйлатышыштлан тулым йӧрташ полшышо техникым, вӱд шапашым ямдылыман.
Организацийлаште да воктенысе кумдыкышто кукшо шудым, вашке йӱлышӧ шӱкым кораҥдыман.