Марий Элыште Чрезвычайный ситауцийым чактарыме да кораҥдыме шотышто комиссийын заседанийже лийын.
«Тӱҥжӧ кызыт – профилактикылан тӱткышым ойыраш да чыла сомылым жапыштыже шуктымаш. Тений чодырам пожар деч аралаш 80 млн теҥгем ойырымо, тидыже 2024 ий деч 21 млн теҥгелан шукырак. Ты сомылыш 2 750 еҥым, 585 техникым да 2 419 оборудованийым ушаш палемдыме», – каласен Марий Элым Вуйлатыше Ю.Зайцев.
Пожар лиймын тӱҥ амалже – тулым айда-лийже кучылтмаш. Тыге 70 процент случайыште лиеда.
Чодыра йӱлаш тӱҥалмым рашемдаш авиаций ден патрулирований, тыгак 14 видеокамер полшат.
Апрель кыдал марте кошкышо шудым йӱлалтымылан кӧра 31 пожарым регистрироватлыме, икымшыже 18 мартыште лийын. Чодыраште пожар эн ончыч Звенигово районышто 4 апрельыште ылыжын.
18 апрель гыч Марий Элыште противопожарный режим увертаралтеш.