Звенигово район Какшамарий школышто 9-ше классыште тунемше Анастасия Соколован сӱретше «Сохраним лес от пожаров!» конкурсышто сеҥен.
Школысо лесничестве-влак коклаште эртаралтше ты конкурсым Марий Элысе Пӱртӱс министерстве ден Йоча-влаклан эколого-биологический рӱдер ямдыленыт. Анастасия – Звенигово районысо «Муравей» школ лесничествын еҥже. Ӱдыр ты конкурсыш кокымшо гана ушнен. Ӱмаште тудын пашажым пожар лӱдыкшыдымылык аншлагым оформитлымашке ойырен налыныт.
Марий Элысе Пӱртӱс министерствын архивше гыч налме фото-влак.