Йошкар-Олаште «Подрост» шымлыме пашан да юниор-влак коклаште чодыра конкурсын регионысо йыжыҥжым иктешленыт.
Тенийысе конкурс Марий Элысе школ лесничестве-влакын 55 ияш лӱмгечыжлан пӧлеклалтын. Тудо Волгатехын кумдыкыштыжо эртаралтын. Конкурсын тӱҥ шонымашыже – ӱдыр-рвезе-влакым пӱртӱсым аралыме шотышто проект пашаш ушаш, чодырасе экосистемым шымлаш кумылаҥдаш, тудын дене чын пайдаланаш туныкташ.
Регионысо йыжыҥыште сеҥыше-шамыч Марий Элын чапшым Россий кӱкшытыштӧ аралаш тӱҥалыт.