Марий Эл кертмыж семын СВО кайыме верлашке гуманитарный полышым чӱчкыдын колташ тырша.
Ты сомылым Марий Элым Вуйлатыше Ю.Зайцев шкеак эскера. Тидлан салтак-влак дене вашлиеш, командований дене кылым куча. Нунын йодмышт почеш бой кайыме верлашке шокшо вургемым, оборудованийым, амуницийым, транспортым да молымат шагал огыл колтымо. Ты гана салтак-влаклан блиндаж ден траншейым чоҥаш полшышо тӱрлӧ пиломатериалым колтымо.