Республикна у пачерыш але пӧртыш илаш пурымо шотышто Российысе 20 кундем радамыш логалын.
Ноябрь марте чоҥышо-влак 421 тӱжем квадратный метр кумдык илыме верым сдатленыт. Тидыже идалыкысе планын 110 процентше лиеш.
Тынар процентымак аварийный пӧртла гыч кусарыме пашаште шуктымо – тыге 3722 еҥ у пачеран лийын.
Корным чоҥымаш дене Марий Эл кумшо верым айла. «Юлым тазаҥдымаш» федеральный проект почеш пашам ыштыме шотыштат кумшо улына.