Медведево районысо вольык чер ваштареш кучедалме станцийыште ветеринарно-санитарный экспертизе пӧлкан 2023 ийысе пашажым иктешлыме.
8111 вуй тӱкан шолдыра вольыкын пижедылше огыл черан улмыжым рашемдыме. 11733 сӧснам тергыме, африкан чума черын вирусшым мумо огыл. Тыгак перерабатыватлыме предприятийлаште 31 млн утла бройлерлан ветсанэкспертизым ыштыме. Ир янлык-влакынат (ирсӧсна, шордо, маска) шылыштым тергыме. Ушкал да вӱльӧ шӧрлан экспертизым 4726 гана ыштеныт.