
Волжский районышто Курык коклаште куржталмаш тений 5 июньышто лиеш, старт 11.30 шагатлан пуалтеш.
Курык коклаште куржталмаш ончыч кажне ийын июньын икымше рушарнянже Мӱшылъер воктене лийын. Тений Ӱлыл Азъял, Пӧтъял кундемысе Святой Гурий лӱмеш черке кундемыште эртараш палемдыме. Таҥасымашке изижат-кугужат, илалшыжат ушнен кертыт: дистанцийым 1 гыч 10 километр марте палемдыме. Тений ты спорт пайрем республикысе Курчак театрлан 80 ий теммылан пӧлеклалтын.
Регистраций ‒ 9.00 шагат гыч. Лекше йодышым Вячеслав Мартьянов деч рашемдыман. Т.89613356510.
Кодшо ийын Мӱшылъер воктене Курык коклаште куржталмаш «Кугарня» газетлан да Марий самырык театрлан 30 ий теммылан пӧлеклалтшын кугу пайрем семынак эртен.