31 августышто Марий Эл Кугыжаныш Погынын шымше созывшын 38-ше сессийже лийын.
Тушто тенийысе да 2024, 2025 ийласе республиканский бюджетыш вашталтышым пуртымо. Тенийлан бюджетысе парышым 4920,9 млн теҥгелан кугемдыме, роскотым – 9757,1 млн теҥгелан, дефицитым – 4836,2 млн теҥгелан. 2024 ийыште бюджетысе парымым 87,1 млн теҥгелан кугемдыме, роскотым 2586,1 млн теҥгелан да дефицитым 2673,2 млн теҥгелан иземдыме. А 2025 ийлан бюджет оксам ик раздел гыч весыш кусарыме.