СВО-н ветеранже-влак Килемар посёлкышто эртаралтше спартакиадыште участвоватленыт. Спорт пайремым Российысе инвалид-влак ушемын регионысо пӧлкаже эртарен.
Таҥасымаш годым участник-влак эстафетыште, дартсым кышкымаште да весела стартыште вийыштым тергеныт. «Защитники Отечества» команде кокымшо да кумшо верлам сеҥен налын.
СВО-н участникше Дмитрий Глушков спорт таҥасымашыш эреак ушнаш тырша, вет тиде пӧръеҥын кумылжым нӧлта. Тудо Российын пулевой лӱйкалымаш дене паралимпийский сборныйыштат лийын.