Спецопераций кайыме верыш салтакна-влаклан черетан гуманитарный полышым колтымо.
Ты конвойыш вич автомобиль, маскировочный сетке, противодронный оборудований, тыгак икмыняр квадрокоптер, тепловизор, генератор, раций, тӱрлӧ инструмент, экипировко, вургем, йолчием да молат пуреныт.
Чыла тидым подразделений командир-влакын Марий Элым Вуйлатыше, тудын алмаштышыжлан да «Zа Марий Эл» фондыш колтымо йодмашышт почеш чумырымо. Варажым груз лачак нунылан логалже манын эскерат.
– Технике, оборудований, обмундирований, станок ден аппаратур-влак салтак-шамычлан бойышто да тыглай кучылтмаште кӱлыт. Кӧ армийыште служитлен але «шокшо точкышто» лийын, пала, кузе шочмо кундем гыч полыш кӱлешан. Ме нунылан ӱшанле тыл улына. Гуманитарный грузым мемнан чыла боецнан мӧҥгӧ пӧртылмыж марте колташ тӱҥалына, – палемден Марий Элым Вуйлатыше Ю.Зайцев.
Сарзе-влаклан гуманитарный полышым колтымо деч посна Марий Эл Запорожский областьысе шефствыш налме Куйбышевский районлан полшен шога.
Д.Речкинын фотожо-влак/Марий Элым Вуйлатышын пресс-службыжо.