Марий Эл гыч спецопераций кайыме верыш колтымо гуманитарный полыш миен шуын.
Тидын нерген Марий Элым Вуйлатыше Ю.Зайцевлан Правительстве Председательын алмаштышыже С.Воронцов каласен. Тудын мутшо почеш, грузым предприятий ден мер, волонтёр толкын-влак да чыла кумылан еҥ чумыреныт. «За Марий Эл» поро кумылым ончыктышо фонд командир-влак деч йодмашым пога да военно-шефский полышым наҥгая. Тыгак тыгодым военнослужащий-влакын авашт ден пелашышт деч йодмашым шотыш налыт.
Февральыште колтымо гуманитарный конвойышто шым автомашина, автозапчасть, инструмент, стройматериал, маскировочный сетке, блиндажный сорта, спецоборудований ден шокшо вургем лийыныт. Тыгак лишыл еҥ-влак деч адресный посылкым налме. Тылеч посна элнан у регионлашкыже канцеляр сату ден модыш-влакым колтымо.