Марий Эл Республикыште грипп да ОРВИ чер-влак шотышто эпидемиологический ситуаций нелемеш.
5-11 декабрьыште ОРВИ дене черланыме 5833 случайым регистрироватлыме: 10 тӱжем еҥлан 86,4 процентыш шуэш, тидыже тылеч ончычсо арня деч 18,1 процентлан шукырак.
Грипп да ОРВИ дене черле-влак эн шуко Йошкар-Ола, Волжск да Козьмодемьянск олалаште, Медведево ден Советский районлаште улыт.
Эпидемий тургым тӱҥалмеке, республикыште грипп дене черланыме 118 случайым
(А грипп дене 116 еҥ да В грипп дене 2 еҥ) регистрироватлыме, кодшо арнян 44 тыгай случай пале лийын.
Грипп вирус организм мучко шарла да тӱрлӧ органын пашажлан эҥгекым конда. Эн ончыч иммунный системым лунчырта, тыге кӧргыш вес инфекцият куштылгын логалын кертеш.
Организмыште пуалме процесс каен шогымылан кӧра йолйыжыҥыште да нӧргашыште шинчал погына. Тыге нӧргаш пыта.
Грипп дене черланен эртарыше айдемын ревматоидный артрит вияҥеш, сакыр диабет да щитовидный ту черан еҥ-влак поснак орланат.
Тачысе кечылан Роспотребнадзорын Марий Элысе управленийже эпидемий ваштареш кучедалше ешартыш мероприятий-влакым эртараш палемден.
Интернет гыч налме фото.