7-17 августышто талантан йоча-влакын мастарлыкыштым вияҥдыше «Волгенче» рӱдер «Лесная сказка» эмлыме да тазаҥдыме комплексын базышкыже Марий Элын эн тале волейболист ден ийше-шамычым спортивный сменыш чумырен.
Волейбол дене Медведево ден Волжский районласе команде-влакым конкурс почеш ойырен налме. Иймаш дене – Олимпийский резерв спорт школын сборный командыжым.
Профиль сменыште 8 икшыве – спорт мастер кандидат, 11 спортсменын икымше взрослый разрядышт уло, 10 еҥын – кокымшо взрослый разряд.
«Волгенче» рӱдерын программыже ийше-шамычлан да волейболист-влаклан у тургымым тӱҥалаш сайынак ямдылалташ полша.
Марий Элысе Образований да науко министерствын «ВКонтакте» тӱшкаж гыч налме фото.