Йошкар-Олаште 456 урем уло. Тушеч иктыже – Чавайн бульвар. Тудо марий литературылан негызым пыштыше, поэт, прозаик, драматург С.Г.Чавайнын лӱмжым нумалеш.
Бульварым 1950-1960-ше ийлаште ышташ тӱҥалме. Тунам икымше пӧрт-влакым чоҥымо, йолын коштмо верым ыштыме. Бульварым тӱзатымаште рӱдолан тӱҥ архитекторжо Ю.Казаринов тыршен. 1978 ийыште С.Г.Чавайнлан памятникым шогалтыме.
2005 ийыште Марий Элын 85 ияш лӱмгечыж вашеш бульварым уэмдыме. Советский гыч Комсомольский урем марте бульварын рӱдӧ ужашыжым почмо. 2018 ийыште бульварыште велосипед дене кудалыштме корным ыштыме. 2019 ийыште бульварын Изи Какшан вел могырысо ужашыжым (Киров урем марте) уэмдыме.
Тудо таче Йошкар-Олан визитный картычкыже. Тушко ятыр еҥ каналташ, икте-весе дене вашлияш вашка.