2 июньышто Йошкар-Оласе Чарла кремльыште «Сделано в Марий Эл» ярмиҥга-ончер лийын.
Тудо Российысе предпринимательствын кечыжлан пӧлеклалтын. Тушко шкенан кундемысе сатум ыштыше-влак погыненыт: 40 утла агропромышленный да промышленный предприятийла гыч, индивидуальный предприниматель, фермер, мӱкшызӧ-шамыч да молат.
Ончер годым участник-влаклан «Продвижение марийских брендов» темылан «йыргешке ӱстел» лийын.
Ярмиҥгаш толшо-влак шкенан кундемысе сатум ыштыше-шамычын экологически яндар кочкышыштым налын да тамлен ончен, тыгак калык промысел дене кылдалтше конкурслашке, мастер-класслашке ушнен кертыныт.
Марий Элысе Ялозанлык да продовольствий министерствын ВК-се сообществыж гыч налме фото.