Чапле мебель «Амарисын», ыштат сайын да пеш писын

Йошкар-Оласе Шернур трактын 4-ше номеран зданийыштыже «Амарис» фирме латкандаш ий заказ почеш корпусный мебельым ышта. 2004 гыч 2016 ий марте тыште Свердловск область Арти районысо Изи Тавра ялын уста шочшыжо О.Б.Аптышева директор лийын. Кызыт вуйлатыме пашам пелашыже, тиде кундемынак чолга еҥже Виктор Кулямисарович шуктен шога.

Мийымына годым мужыр пелашын лывыргын шочмо йылме дене кутыралтымышт кумылым нӧлтале. Пашаште чолга койыш-шоктышышт моткоч шижалтеш.

Тӱрлӧ вере тауштат
📍Тамара Ятманова, Медведево район, Юбилейный:
– «Амарис» фирмыште ме кодшо ийын У ий вашеш кухньо гарнитурым заказатленна. Пеш сай качестван, мотор. Моткоч келша. Кум арняште ыштеныт. Акше 60 тӱжем теҥгеш шуын. Оксам ужаш дене тӱлымӧ. Могай дизайн, тӱс сайрак лиеш, умылтареныт. Раковиным, вытяжкым шке конденыт. Вес ганат туштак заказатлаш кумыл уло.

📍Эльвира Смирнова, Параньга район, Ермучаш:
– Тыгай производство нерген шӱжарем деч пален налынам. Мебельщик-влак пеш мастар, тыматле улыт. Корно кужу гынат, мемнан дек шумеш висаш толыныт. Чыла шотыштат ой-каҥаш дене полшеныт. Йытыра, чонлан келшыше кухньо гарнитурым ыштеныт. Ямдылымек, конденыт да поген коденыт.

📍Людмила Григорьева, Йошкар-Ола:
– «Амарисыште» Звенигово район Кужмараште илыше шольым Сергей Геннадьевич Шутников мебельым ыштыктен. Тиде фирме нерген мый тудлан каласкаленам. Кухньо гарнитуржо путырак йытыран коеш. Сергейын йолташыжынат нунын денак заказатлаш кумылжо лектын.
Пагалыме йолташ-влак! Илыме верышкыда моторлыкым пуртынеда гын, «Амарис» фирмыште мебельым заказатлен кертыда. Куандарыза шкендам, ешдам.

✅Материалым 1 апрельыште лекше номерыште лудса.

Зоя ТИМОФЕЕВА.