18 августышто Шернур посёлкысо музейно-выставочный комплексын пашаеҥышт Кожласола ялыш экспедиций денем миен коштыныт.
Тушто Российысе художник-влак ушемын еҥже, кидпашазе Надежда Маркова дене вашлийыныт. Надежда Игатьевн Шернур посёлкысо палыме да пагалыме ешыште шочын-кушын. Кочаже — Иванов Василий Иванович Шернур районышто икымше марий врач лийын. Чӱчӱжӧ — Иванов Николай Васильевич шанчызе-географ, СССР-ын географический ушемын еҥже. Ачаже — Иванов Игнатий Васильевич марий такмак-влакым поген. А Надежда Ильинична кызыт Мурманск олаште ила да кажне ийын шочмо кундемышкыже толын коштеш.
Надежда Игнатьевна тоштер пашаеҥ-влаклан шке ешыже, тукымжо нерген шуко оҥайым каласкален да музейын фондышкыжо тӱрлӧ арверым пуэн. Нунын коклаште 1951 ийыште савыктыме Т.А.Крюкован «Марийская вышивка» книгаже да сар пагыт годым ямдылыме ате-влак.
Уверым да фотом Шернур посёлкысо тоштерын лаштыкше гыч налме.