Теҥгече, 23 октябрьыште, Морко районысо Эҥерсола ялыште Кугу Ачамланде сарыште вуйым пыштыше сарзе-влаклан чапкӱм торжественно почыныт. Проектым верысе инициативылан полшымо программылан, тыгак «Историческая память» партийный проектлан да «Единый Россий» партийын калык программыжлан кӧра илышыш пурташ йӧн лийын.
Уэмдыме чапкӱ Эҥерсолаште илыше калыклан шарныме вер веле огыл, тыгак тукым-влакын икоян улмыштын символжо лиеш, увертарат «Марийская правда» газетын сайтыштыже.
«Шереганово ялысе книгагудо» да «Марийская правда» тӱшка-шамыч гыч налме фото-влак.