8 августышто марий балетлан тӱҥалтышым пыштыше, композитор, 94 ийышке тошкалше Анатолий Лупповын шӱмжӧ кырымым чарнен.
Тудо МАССР, РСФСР сымыктышын сулло деятельже, «Лесная легенда» икымше марий балетын авторжо. Тачысе кечынат «Чодыра сем» балетше Эрик Сапаев лӱмеш опер да балет кугыжаныш театрыште ончыкталтеш. Композитор шке пашаштыже марий сем-влакым кучылтын.
Анатолий Луппов Озаҥ олаште илен, Н.Жиганов лӱмеш кугыжаныш консерваторийыште туныктен.
«КУГАРНЯ» газет коллектив.