Чабрецым йӧратем

Чот кылменда але чер пижмым шижыда (нер йога, логар чыгылтара) гын, ик стакан шокшо вӱдыш ик изи совла коштымо шудым пыштыза. Изиш шинчыктыза, шӱрыза да кок кугу совла ырыктыме йошкар аракам але ик кугу совла коньякым ешарыза. Ты чай уло могырым ырыкта.

А тиде рецепт вуйуш дене пашам ыштыше-влаклан пайдале. Ик литр шокшо вӱдыш вич кугу совла чабрецым да ныл кугу совла вӱршудым пыштыза. Лу минут шолтыза да шокшын левед шындыза, икмыняр шагат шинчыктыза. Вара шӱрыза да 1,5 кугу совла мӱйым ешарыза. Ты чай вийым ешара.

Тыгак чабрец арака деч йӱкшыктараш полша. Йӱшӧ еҥ йӱмым чарнынеже, но ок керт гын, ик кугу совла арымшудым, ик кугу совла золототысячникым да ныл кугу совла чабрецым иктеш варыман. Ик стакан шокшо вӱдыш ик изи совла ты шудо вартышым пыштыман, изи тулышто ик-кок минут шолтыман, вара эше пел шагат шинчыктыман да шӱрыман. Лемым 1/3 стакан дене кечеш кум гана але пел стакан дене кечеш кок гана кочмо деч 20-30 минут ончыч яра пагареш йӱман. Тыге ик тылзе эмлалтман.

НО: шекшкалташте кӱ улмо да пагар йора годым ок лий.

Татьяна Малинина.

Советский район.