«Россий» тӱнямбал ончер-форумышто «Будущее Красного города» концерт эртен. Тудо Йошкар-Олан 440 ияш лӱмгечыжлан пӧлеклалтын. Сценышке республикнан 200 утла артистше лектын.
«Республикысе тӱвыра да рӱдоласе тӧнеж-влак пеш чапле концерт программым ямдыленыт. «Россий» ончер-форумыш толшо-влак марий артист-влакым куанен да аншлаг дене вашлийыныт. Калыклан шокшо приёмлан тауштена», – каласен Марий Элысе Правительстве Председательын алмаштышыже – республикысе тӱвыра, печать да калык-влакын пашашт шотышто министр Константин Иванов.
Фото: Сергей Малыгин