Марий Элысе строительно-промышленный техникумын студентше ден туныктышыжо-влак военнослужащий-влаклан полшышо Российысе акцийыш ушненыт.
Январь мучаш гыч февраль тӱҥалтыш марте техникумышто «Теплые носки солдату» акций эртаралтын. Чылаже 70 мужыр носким погымо да Марий Элысе добровольчествылан полшымо ресурс рӱдерыш колтымо.
А Марий Элысе техникумлаште да колледжлаште тунемше ӱдыр-рвезе-влак макулатурым погеныт.
Нунын погымо 730 кг кагаз ден картонышт 6570 теҥгеш шуын. Ты окса мобилизоватлыме салтак да Украиныште специальный военный операцийыште улшо-влаклан гуманитарный полышым ышташ кая.