«Сердце матери» волонтёр организацийыште СВО гыч толшо боец-влак дене вашлиймаш эртаралтеш.
Сентябрь мучаште Йошкар-Оласе 15-ше №-ан школын тунемшыже-влак фронтын икымше линийже гыч толшо Иван (позывнойжо – «Лука») дене вашлийыныт. Чайым йӱын, икте-весе дене мутланеныт.
Вес гана ты волонтёр организацийышке 17-ше №-ан школын тунемшыже-влак толыныт. Нунылан патриотизм урок эртаралтын. Тунемше-влак СВО-што передовойышто улшо ик боец (позывнойжо – «Анзорик») дене кутыреныт. Ӱдыр-рвезе-влак фронтлан клеян коля лӧдым (мышеловкым), книгам до моло арверым колтеныт.
Фронтыш гуманитарный полышым колтымо годым ты школышто кугурак класслаште тунемше ӱдыр-рвезе-влак полышкалаш коштыт.