Кеч-мыняр тӱрлӧ корным эртет гынат, шкендыным садак муат.
Татьяна Герасимова (Пантелеева) Шернур район Эҥермучаш ялеш шочын-кушкын. 9-ше класс марте Койсола школышто, вара Шернур посёлкысо 1-ше №-ан школышто биолого-химический классыште тунемын. Ӱдыр изиж годсек книгам лудаш йӧратен, сандене ача-аваже тидым ужын шуктеныт да шочшыштлан книгам эре наледеныт. Тӱҥ шотышто Таня историйым, биологийым, зоологийым, астрологийым йӧратен.
– Кажне ийын йӧратыме предметем-влак вашталтыныт. 5-6-шо класслаште историйлан шӱмаҥынам, а 7-ше классыште англичан йылме келшен, вара биологийым кыртмен тунемынам. Сандене 9-ше да 11-ше класслаште биологий дене экзаменым кученам, – каласыш Т.Герасимова.
Школ деч вара ӱдыр МарГУ-шко биологий да химий факультетыш (кызыт Естественный науко институт) тунемаш пурен.
– Пӱртӱсым изи годсек йӧратенам. Тидлан шӱжарем ден когыньнам ачана шӱмаҥден. Чодыраш, вӱд воктеке лектын коштмо годым тудо мыланна кушкыл, поҥго, янлык, кол нерген шуко оҥайым каласкален, южгунам мыскара историй-влакым ойлен. Икымше курс деч вара тунемме профильым ойырен налаш кӱлын. Ондак мый ботаникым келгынрак тунемаш шоненам, но зоологийым ойырен налынам. Тиде ошкылым ыштымылан мый нимынярат ом ӧкынӧ. Тыге, мутлан, Шернур районышто копшаҥгын у видшым мумо (умдыла, Prostemma aenicolle Stein, 1857). Тыгайжым Марий Элыште ик ганат ужмо да возымо огыл, – ойлыш Татьяна.
Вара студентке магистратурыш тунемаш пурен. Тунамак «Марбиофарм» заводышто тыршен. Тунемме пагытыште ӱдыр шуко конференцийыш, мастер-классыш коштын, тӱрлӧ вебинарым ончен. Тунамак шкенжым у аланыште тергаш шонен. А вара тазалыклан кӧра завод гыч каен.
– Икана астропсихологий дене мастер-классыш логалынам. Тунам лекторым умшам карен колыштынам. Но тиде курс оксам тӱлыдымӧ ужаш веле лийын. Умбакыже оксам тӱлаш кӱлын. Тичмаш курс шерге лийын, но пайдале. Шуко ум пален налынам, а вара лишыл еҥем-влакын илышыштым «шымлаш» тӱҥалынам. Инстаграм лаштыкыштат тидын нерген возенам. Палыме да палыдыме еҥ-влак нунын нерген астрологий дене кылдалтшым йодыныт. – каласыш Таня.
Умбакыже самырык астропсихолог пошкудо республикыш «Формула Души» методике дене тунемаш миен. Шинчымашым погымо семын тудо шке нергенжат шуко ум пален налын, пуйто книган у лаштыкшым почын.
– Ончыч мый аптыраныше лийынам, еҥ-шамыч дене мутланаш вожылынам. Но…
Ӱдырын альбомжо гыч налме фото.
Умбакыже 12 мартыште лекше газетыште лудса.
Газетын электрон версийжым кевытыште налаш лиеш.