Шуматкечын 26 апрельыште С.Г.Чавайн лӱмеш Национальный книгагудышто «БИБЛИОЙӰД – 2025» эрта.
Тений акцийын темыже – «Свои герои».
Кугыеҥ ден йоча-влаклан 18 гыч 22 шагат марте тӱрлӧ площадкыште мероприятий-влак лийыт. Ятыр мероприятий Кугу Ачамланде сарыште Сеҥымашлан 80 ий теммылан да Ачамландым аралышын идалыкшылан пӧлеклалтеш.
Уна-влакым лекций, экскурсий, поэзий лудмаш, писатель-влак дене усталык вашлиймаш, театр постановко, кинопоказ, тематический фотозоно-влак вучат. Шуко модыш, викторине, мастер-класс, лотерей, сар годсо муран караоке, тӱрлӧ ончер лийыт. Мастар-влакын ярмиҥгаштышт уна-влак шке кид дене ыштыме тӱрлӧ сувенир ден сӧрастарыме арверым налын кертыт.
Кумданрак – программыште: clck.ru/3Lc6Qf