Биатлон дене первенстве

23 январьыште «Корта» учебно-тренировочный базыште 2006-2007, 2008-2009 ийлаште шочшо да «Виктория» олимпийский резерв спорт школын тунемшыже-влак коклаште биатлон дене Марий Эл Республикын первенствыже эртаралтын.

Участник-влак «Снежный снайпер» пневматике винтовко дене лӱйкаленыт. Ӱдыр-влак 2,4 км куржыныт гын, рвезе-влак – 3,6 меҥгым.

2008-2009 ийлаште шочшо ӱдыр-влак кокла гыч Анна Трайно икымше лийын, а 2006-2007 ийыште шочшо-влак радамыште – Анна Кудрявцева.

2008-2009 ийлаште шочшо рвезе-влак кокла гыч Марат Соловьёв ойыртемалтын, Егор Уразаев 2006-2007 ийлаште шочшо-влак коклаште икымше толын.