Июньышто кодшо ий дене таҥастарымаште Марий Элыште топливылан ак вашталтын.
Теве бензинлан ак 2,7 процентлан шергештын, дизельный топливылан – 0,5 процентлан. Туге гынат республикыштына Юл кундемысе регион-влак кокла гыч дизтопливе эн шулдылан шотлалтеш – ик литрже 54 теҥгеат 17 ырым шога. Эн шулдо бензин июньышто Удмурт Республикыште лийын, ик литржылан кокла шот дене 60 теҥгеат 30 ырым тӱленыт.