Событийный туризм областьыште Russian Event Awards XI национальный премийын финалышкыже Козьмодемьянскыште эртарыме «Бендериада» сатире да мыскара фестиваль логалын.
Марий Элысе Минспорттуризмын палемдымыж почеш, республикна ты конкурсышто ик гана веле огыл тӱрлӧ номинацийыште сеҥен. Тений премийым налшаш верч 62 регион гыч 604 проект пурен. Финал 17-19 ноябрьыште Нижний Новгородышто лиеш. Тушто 55 регион гыч толыт да 314 проект дене палдарат. Тунамак сеҥыше-влакын лӱмышт пале лиеш.