17-20 сентябрьыште Беларусь Республикысе туристический организаций-влаклан Марий Элыште информационный тур эртаралтеш.
Тушеч толшо туроператор ден Belavia авиакомпанийын еҥже-влак Йошкар-Олаште экскурсий дене коштыт, Национальный галерейыш, тоштерыш, И.Ключников-Палантайын пӧрт-тоштерышкыже, М.Шкетан лӱмеш Марий драмтеатрын тоштерышкыже пурен лектыт. Варажым «йыргешке ӱстел» лиеш. А кокымшо кечын участник-влак Козьмодемьянскышке каят.
Марий Эл ден Беларусь Республик-влак пырля пашам ыштыме шотышто соглашенийым тений апрельыште Российско-белорусский конгресс годым Минскыште подписатленыт.