Баскетболистке-влак – 2-шо верыште

Кодшо кечылаште Ижевск олаште Юл кундем федеральный округысо «КЭС-Баскет» школысо баскетбол модмаш дене лигын финалже эртен.

Марий Эл гыч ты финалышке логалаш манын, 154 школ гыч команде-влак таҥасеныт.

Ижевскыш Йошкар-Оласе 26-шо №-ан гимназийын ӱдыр ден рвезе-влакын командышт миеныт. Рвезе-влак 6-шо верышке лектыныт гын, ӱдыр-влак – 2-шо верышке. Ынде нуно Нижний Новгородышто эртыше турнирын суперфиналыштыже модаш тӱҥалыт.