Башкортостан кундемыште «Кугарня», «Ямде лий» газет редакций-влакын журналистышт дене вашлиймаш нерген умбакыже палдарена. Куандара: кажне кундемыште пайремыш лекше гай марий вургемым чиен, мурым муралтен вашлийыныт, шочмо йылме дене моторын кутырышо йоча-влакым ужын, чон куана.
Тыгеракын вашлийыч Шаран районысо Акпарс школышто, Дӧртыльӧ кундемысе Йывачъялыште, Чарлакыште, Маядыкыште.
Йошкар-Ола гыч мийыше артист-влак Вадим Краснов, Сергей Пакеев, Роза Искакова дене пырля концертыште верысе самодеятельный, фольклор ансамбль-влакат выступатленыт. 
