Юрино посёлкышто турист-влаклан историйым веле огыл шымлаш, тыгак кызытсе илышлан келыштаралтше условий почеш сайын каналташ йӧн уло. Тыгайжым «Бард Виллаж» глэмпинг парк темла.
Редакций пашаеҥ-влак дене туштат уна лийна. Вате-марий Елена Александровна ден Валерий Николаевич Барулинмытын унам ончен моштымышт, поро кумылышт тушко уэш да уэш пӧртылаш кумылым шочыкта. Кум лукан изи пӧрт-влакым да ик кугу унагудым турист-шамычлан лӱмынак келыштареныт. Камин воктене тулым олтен шинчылташ, йырым-йырысе пӱртӱсын моторлыкшо дене чоным кандараш моткоч ямле вер. Тысе чодыран куштылгылыкшо, Юл эҥерын вий-куатше, пӱртӱсын моторлыкшо каныше еҥын тазалыкшым пеҥгыдемдаш, ушыжым кандараш полша.
Лишыл жапыште турист-влаклан тыште чыла шотыштат йӧнан лийшаш. Кочкаш ямдылаш унагудышто верым келыштарыме гынат, ынде нунын йодмышт почеш «кочкышым кондыштарыме» услого пашам ышташ тӱҥалеш. Шылым кӱкташ лӱмын вер уло, чапле мончаш пураш лиеш. Ончыкыжым спорт площадке-влакым келыштарышаш улыт. Икмананш, чон пӱртӱс воктене сайын каналташ йодеш гын, «Бард виллаж» кумылдам нӧлташ сайын полшен кертеш!
