Йошкар-Олаште илыше 42 ияш пӧръеҥын банкысе картылаж гыч оксам шолыштыныт, палдарат Марий Элысе МВД-н пресс-службыштыжо.
Пӧръеҥ картыже-влакым йомдарен улмаш. Икмыняр жап гыч, нунын дене пайдаланен, кевытлаште 4,6 тӱжем теҥгелан сатум ала-кӧ наледен.
Полиций пашаеҥ-влак осал пашам ыштен кертше еҥым кученыт. Йошкар-Олаште илыше 38 ияш пӧръеҥ ончычат судитлыме лийын.
Полиций пашаеҥ-влак увертарат: еҥын картыжым муында гын, тушто ончыктымо телефон номер дене банкыш йыҥгыртыман!