Кажне ийын пуымо «Душа танца» премийым балетын Оскаржылан шотлат. Ты гана артист-влакым К.Станиславский ден В.Немирович-Данченко лӱмеш Москосо музыкальный театрыште саламленыт.
Тений тыгай призым Э.Сапаев лӱмеш опер да балет театрын уста артистше, Олык Ипай лӱмеш кушыжаныш молодёжный премийын лауреатше Артём Веденкинлан кучыктеныт. Тудын мастарлыкшым «Восходящая звезда» номинацийыште акленыт. Тылеч ончыч тыгай приз Ольга Челпанова ден Константин Коротковлан «Звезда» номинацийыште логалын, а Константин Ивановлан – «Рыцарь танца» номинацийыште.
Снимкыште: А.Веденкин ден К.Иванов.