Коронавирус чер шарлымылан кӧра карантин деч вара антисептик шукыштын суртышто уло дыр. Тудым этил але изопропилин спирт дене ыштат, садлан бактерий ден вирусым пытара. Но ты антисептикым сурт коклаште моло семынат кучылташ лиеш.
Ик чӱчалтыш гельым смартфон экраныш чӱчыктыза да пушкыдо лапчык дене ӱштса. Тыге тыгыде удыралтше, парня, лавыра пале-влакым кораҥдеда. Тыге арнялан кеч ик гана ыштыман, вет смартфонышто бактерият шуко погына.
Антисептик дене мебель, пырдыж да вургем гыч перманентный маркерын палыжым кораҥдаш сай. Гельым тыгай верыш чӱчыктыза да салфетке дене ӱштса.
Антисептический гель але салфетке дене рӱдаҥдыме сталян каструль, чайник да технике ӱмбач парня да коя пале-влакым ӱштын колташ куштылго.
Шинчалыкым туддене ӱштын налаш сай.
Антисептик этикетке деч кодшо клейым кораҥдаш полша.