Россйын Президентше В.Путин Министр-влак кабинетлан автомобильный туризмым вияҥдыме концепцийым ямдылаш кӱштен, ойлалтеш Кремльын сайтыштыже.
Ты кӱштымашым тений 15 июнь марте шукташ палемден. Концепций инфраструктурым тӱзаташ да автотуризмым вияҥдыме шот дене Санкт-Петербург – Владивосток маршрутан пилотный проектым шукташ полша. Тудо «Россия» (Моско – Санкт-Петербург) ден «Восток» (Моско – Озаҥ) федеральный трассылам авалта.