Шукерте огыл Советский районыш шуко функциян тӱвыра рӱдер толын. Тудым эше автоклуб маныт. Кодшо кечылаште районышто лийме годым Рӱдӧ клубный системым вуйлатыше Т.В.Басова дене вашлийын мутланышна. Татьяна Вячеславовна тӱвыра сферыште шуктымо паша нерген уло кумылын каласкалыш:
– Районыштына 18 тӱвыра пӧрт уло. Советский районысо рӱдӧ тӱвыра пӧртлан автоклубым ойырымо моткочак куандара. Пашаеҥ-влакым гына огыл, тиде техникым да йӧнжым ужшо еҥ-влакымат.
Тений районыштына чыла тӱвыра пӧртым ачален кертмыланат моткоч кумылна нӧлталтын. Тыгай пашам шукташ Марий Эл Правительстве «Культура» нацпроект почеш 1 млн 800 тӱжем теҥгем колтен. Тунам ты окса дене Вечыныште капитальный ремонтым ышташ вигак тӱҥална. Тушто тичмаш реконструкцийым ышташ палемдыме. Тидлан 28 млн теҥге ойыралтын. Пашам кок этаплан шелынна. Икымшыште леведышым вашталтыме, лачак тудым тымарте ыштен шуктымо. Вес ийын кокымшо этапыштыже зданийыш пурымаште кугу сомылым тарватена, фасадшым вашталтена.
УМБАКЫЖЕ — «Кугарня» газетыште (2021 ий 26 ноябрь).