Тений Марий Элыште автоклубышто 372 мероприятийым ончыктат.
Шуко функциян, куснылшо тӱвыра рӱдер-влакым (але автоклуб-шамычым) 2021-2022 ийлаште «Культур» нацпроект почеш налме. Кызыт нуно 13 районышто улыт. Автоклубым тений шукыжым У Торъял район кучылташ шона. Тушто лектын коштмо дене 63 мероприятийым эртараш палемдыме.
2022 ийыште автоклуб дене шуко вере лектын кудалыштме да республикысе 432 ял ден селаште 146,6 тӱжем еҥлан концертым, моло мероприятийым ончыктымо. Тений икымше кварталыште тыгай концертым 30,5 тӱжем еҥ ончен.