ШОРЫК. Еш ден илыме верым тӧрлатыме йодыш тендам тургыжландара. Интерьерым уэмдаш, шке пӧртдам сӧрастараш шонеда. Тыгак ты тылзе кусараш лийдыме пого шотышто сделкым ышташ да айлыме илыме верым кычалаш йӧнан. Лишыл еҥын шокшыжым шижыда. Но ешыште умылыдымаш лектын гын, лачак кызыт сӧрасаш жап.
ПРЕЗЕ. Август тыланда пуламырым сӧра. Иктаж-могай документ-влакым ышташ, инстанцийлашке куржталышташ логалеш. Ача-авадат шкешт деке ӱжыт. Йоҥылыш ден кужун вучымо сомылат лийыт. Тыгак август тунемаш да изи курсым эрташ келшн толеш, тушто пайдале вашкылым ыштен кертыда. Иктаж-куш каеда гын, романтике шӱлышан вашлиймаш вуча.
ЙЫГЫР. Шуко мутланеда, уверым погеда, кӱчык жплан иктаж-вере миен толыда. Июльышто ондакысе палыме еҥ-влакым вашлийында гын, нунын дене кыл августышто шуйна. Но иктаж-мом сӧрат гын, ида ӱшане. Август тыланда вургемым, йолчиемым, косметикым да суртыш кугу арверым налаш келша. Услугым темлыше еҥ улыда гын, имиджда нерген шоналтыза.
РАК. Вийым погыза – августышто финанс йодышм решатлаш логалеш. Тылзын икымше декадыштыже окса кучалтын да шотлымо шотышто йоҥылыш лийын кертеш. Тыгодымак ты жапыште тыланда кӱлдымӧ арверым сайын ужален кертыда. Тыгак суртыштыда ревизийым ыштыза.
ЛЕВ. Личный да финанс йодыш шотышто Лев-влак пеш огыт ойло. Тыгак илышыштыштат ятыр секретышт уло. Сандене йӧратен шындыше еҥым вашлиймыдам але окса роскотым еҥ деч шылтеда. Тыгак лишыл еҥ чын огыл манын шонаш тӱҥалыда. Нимогай иктешлымашым вигак ида ыште, вучалтыза, эскерыза, шоналтыза. Пеш писын йоҥылыш лийын кертыда.
ӰДЫР. Икымше декадыште ондакысе йодыш-влак угыч «тӱжваке лектыт». Августышто йолташ ден романтике шӱлышан келшымашым ойыраш нелырак лийын кертеш. Сандене сентябрь марте вучалтыза, тунам еҥын тендан деч мом вучымыжым рашемдеда. Йолташ-влак дене пырля иктаж-могай проектым ворандараш сай жап. Тыгак нунын ой-каҥашышт да полышышт пайдале лиеш.
ВИСА. Ты жапыште вуйлатыше-влак дене кутырен келшаш куштылгырак: нуно ончычсо деч порырак лийыт. Тыгодым тыланда тудым пагалымым ончыктыман да мастарын мутланыман. Вуйлатыше-ӱдырамаш дене палыме лийыда але кызытсе ӱдырмаш-вуйлатышыда карьерыштыда кӱлешан рольым модын кертеш. Тыгак иктаж-могай пашам тӱҥалаш шоненда, кызыт тидым ышташ келшен толеш, тидлан вийда сита.
СКОРПИОН. Ты тылзыште чот пашам ышташ, шуко вийым пытараш, вуйлатыше-влак дене мутланаш логалеш. Тидыжым августын кокымшо пелыштыже ышташ сайрак. Тыланда йотэлысе да вес тӱвырам жаплыше еҥ-влак дене мутланаш куштылгырак лиеш. Еҥын шонымашыж почеш пеш кумылзак улыда, сандене тидым пашаштат кучылтса. Личный илышыште йотэлысе але тора кундемысе еҥ дене келшаш тӱҥал кертыда.
ПИКШЫЗЕ. Августышто налог, инвестиций да кредит (уло гын) нерген шоналтыза. Финанс службо дене кылым саемдаш, оксам депозитыш пышташ лиеш. Йолташ ден родо-тукым дене тӱняумылымаш шотышто тума нӧлталт кертеш. Тыгак тӱрлӧ проектым шукташ, вашлиймашым эртараш, канаш еҥ-влакым тарватен сеҥеда.
ИРКАЗА. Отпуск жап лиеш гынат, пашаш кычкалтыда але ончыкылык нерген шонаш тӱҥалыда. Иктаж-мо шотышто икымше ошкылым ышташ лиеш. Налог, страхований, банк дене кыл йодыш-влак тургыжландарат. Тылзын кокымшо пелыштыже кредитым налаш сай жап. Личный да деловой кыл саемеш. Мужыр-влакын кокымшо мӱй тылзышт лийын сеҥа.
ВӰД ЙОКТАРЫШЕ. Паша шотышто каҥашымаште шкем сайын ончыкташ лиеш. Ты тылзын йӧнан условий нерген шоналтеда: паша вердам келыштареда, уэмдыме сомылымат шуктеда. Но августым лучо отпускышто эртарыман, тыгак тазалык шотышто шоналтыман. Тазалыкым пеҥгыдемдыме чыла процедур лачеш лиеш. Тыгак иктаж-кӧ дене сырен кертыда.
КОЛ. Шкендан йӧратыме еҥда-влакым – пелашда ден мужырда-влакым веле огыл, йоча, ача-ава, лишыл йолташ-шамычымат – куандараш вашкеда. Пырля каналташ жапым муза. Йоча-шамыч дене модын веселитлаш йӧным ыштеда гын, нунылан кугу пайрем лиеш.