Специальный военный операцийыш шке кумылын каяш шонышо-влак «Авангард» рӱдерыште ямдылалтмашым эртен кертыт.
Марий Элым Вуйлатыше Юрий Зайцевлан «Авангард» военно-патриотический рӱдерын директоржо Борис Салдаев тыгай темлымашым ыштен.
Идалык жапыште кугурак класслаште да профессиональный образовательный учрежденийлаште икымше курсышто тунемше-влак вич кечаш сборым эртат. Тушто нунын боевой подготовкыштым тергат, тӱрлӧ нормативым сдатлат, икымше полышым пуаш да автоматым рончен-погаш туныктат. «Авангард» рӱдер Обороно министерствын да правительствын йодмашыштым шукта.
Ю.Зайцевын ойлымыж почеш, занятий-влакым эртараш республикысе Тазалыкаралтыш министерствым, военный часть-влакым, спорт федерацийым, инструктор, психолог-шамычым йодаш лиеш. Тыгак шке опытышт дене специальный военный операцийыште лийше-влак пайлалтын кертыт.
Марий Эл Республикысе Правительствын сайтше гыч налме фото,