
Марий Элысе Перинатальный рӱдер «Борьба с сахарным диабетом» нацпроектыш ушнен.
Тыге мӱшкыран улмо шотышто учётыш шогалтыме ончыкылык ава-шамычын сакыр диабет палдырнен гын, нуным посна регистрыш пуртат. Регистрыште улшо ӱдырамаш-влакын вӱрыштышт сакырым эреак тергыман. Тидлан лӱмын келыштарыме арверым пуат. Тудын полшымо дене врач-шамыч ава ден йочалан кӱлеш полышым жапыштыже пуэн сеҥат.
Тачысе кечылан регистрыште 28 ончыкылык ава шотлалтеш. Тушечын 17 ава вӱрыштӧ сакырым тергаш полшымо арвер дене пайдалана.
Йошкар-Оласе Перинатальный рӱдерын
ВК-се лаштыкше гыч налме фото.